बागेश्वरी सहकारीद्वारा हेटौंडा ११ का महिलालाई धुप बनाउने तालिम
हेटौंडाको बागेश्वरी बचत तथा ऋण सहकारी सस्थाले महिलाहरुलाई धुप बनाउने तालिम दिएको छ ।
हेटौंडा उपमहानगरपालिका- ११ मा रहेको सहकारीले हेटौंडा ११ का गृहिणी महिलाहरुलाई २ दिने बाटेको धुप बनाउने तालिम दिएको सहकारीका प्रमुख कार्यकारी अधिकृत शर्मिला श्रेष्ठले बताउनुभयो ।
हेटौंडा ११ का ६० जना महिलालाई तालिम दिइएको सहकारीले जनाएको छ । सामाजिक उत्तरदायित्व अन्तर्गत सहकारीले यस्ता कार्यक्रम आगामी दिनमा पनि संचालन गर्ने श्रेष्ठले बताउनुभयो।
कार्यक्रममा सिता मानन्धरले सहजीकरण गर्नुभएको थियो । तालिमको सोमबार समापन गरिएको हो । समापन कार्यक्रममा सहकारीमा अध्यक्ष आसा कुमारी अधिकारी, टोल विकास सस्था वडा समन्वय समिति हेटौंडा-११ का अध्यक्ष यज्ञ बहादुर आचार्य, सिमलटार टोल विकास सस्थाका अध्यक्ष सूर्यमान लामा, सुन्दरलाल श्रेष्ठलगायतको उपस्थिति रहेको थियो ।
क्याटेगोरी : समाचार, स्थानिय
प्रतिक्रिया