मकवानपुर टेक्निकल इन्स्टिच्युटमा रेडियोग्राफी र फिजियोथेरापी पनि संचालन
मकवानपुर टेक्निकल इन्स्टिच्युटले यस वर्ष २ वटा कार्यक्रम थप गरिएको जनाएको छ ।
सिटिभिटीबाट मान्यता प्राप्त इन्स्टिच्युटले यसवर्षदेखि रेडियोग्राफी र फिजियोथेरापीको कार्यक्रम थप गरेको प्रिन्सिपल अमिष सुबेदीले जानकारी दिए । उनले रेडियोग्राफीका लागि ३० र फिजियोका लागि ४० सिट संख्यामा कार्यक्रम संचालन गरिने बताए ।
३ वर्षे कार्यक्रममा हेल्थ असिस्टेन्ट र ल्याब टेक्निसियनसमेत संचालन गर्दै आएको इन्स्टिच्युटमा विद्यार्थीको माग बमोजिम र यस वर्ष २ कार्यक्रम थप गरेको र आगामी वर्ष स्वास्थ्य संकायका थप कार्यक्रम ल्याईने सुबेदीले बताए ।
यस सस्थामा एसईई परिक्षामा अनिवार्य गणित, अंग्रेजी, र विज्ञान विषयमा न्युनतम २ जीपीए प्राप्त गर्नेले कार्यक्रममा सहभागी जनाउन पाउनेछन् ।
क्याटेगोरी : समाचार, स्थानिय
प्रतिक्रिया