निशुल्क पाइने औषधिसमेत पाइदैन हेटौंडा अस्पतालमा, बिमाबाट पाइनेलाई पैसा तिर्नुपर्ने
मदन भण्डारी स्वास्थ्य विज्ञान प्रतिष्ठान अन्तर्गत रहेको हेटौंडा अस्पतालमा सरकारले निशुल्क दिएको औषधिहरु समेत नपाउने गरेको पाइएको छ ।
हेटौंडा अस्पताल प्रशासनको लापरबाहीका कारण सरकारले निशुल्क रुपमा वितरण गर्ने गरेको औषधिसमेत फार्मेसीमा उपलब्ध छैन । औषधि अभाव भएपछी केहिदिनदेखि बिरामिले अस्पतालको फार्मेसीबाट औषधि खरिद गर्न पाएका छैनन् । अत्यावश्यक र बिमाबाट प्राप्त हुने तथा निशुल्क पाइने औषधि नपाउदा आकस्मिक कक्षमा आएका बिरामीले समेत तत्काल उपचार पाउनबाट बन्चित हुने गरेका छन् ।
सरकारले निशुल्क दिएको औषधि सेफट्राजोन, रेजिब भ्याक्सिन लगायतका औषधि हेटौंडा अस्पतालबाट बिरामिले पाउदैनन् । निशुल्क पाइने र बिमाबाट पाइने औषधि अस्पतालले नदिदा बिरामीले सोही औषधि महँगो मुल्यमा बाहिरी मेडिकलबाट खरिद गर्न बाध्य छन् ।
नयाँ भवन बनेपछि केहि समय केही सुधार भएको अस्पताल अहिले पहिलेकै जस्तो भएको उपचारका लागि आउने बिरामीको गुनासो छ । दैनिक ५ सयदेखि ९ सय विरामी आउने अस्पतालमा औषधि भने अधिकांस पाइदैनन् । सामान्य औषधिसमेत अस्पतालमा नहुदा उपचार गर्न आएका बिरामीले उल्टै सास्ती खेप्नु परेको छ ।
त्यस्तै अस्पतालले बिमाबाट पाइने औषधिलाई समेत पैसा तिर्न लगाउने गरेको पाइएको छ । केहिदिन यता स्वास्थ्य बिमा गरेका बिरामीले पाउने औषधिलाई समेत पैसा तिरेर किन्नु पर्ने समस्या अस्पतालमा रहेको छ । बिमाबाट पाउने औषधिलाई किन पैसा तिर्नुपर्ने ? भन्ने बिरामीको प्रश्नमा फार्मेसीका कर्मचारी सफ्टवेयरको समस्या हो भन्दै पन्छिने गरेका छन् ।
‘घन्टौ लाइनमा बसेर औषधि लिने बेला बाहिरबाट लिनुस यहाँ छैन भन्ने जवाफ आउछ, प्रशासनको लापरबाहीको हद नाघेको छ, कुनै औषधि पाइदैन, हेटौंडा-४ का एक बिरामीले आक्रोस व्यक्त गरे ।
आफुले दुर्घटना भएपछी राती ११ बजे घाइतेलाई आकस्मिक कक्षमा ल्याउदा अप्रेसन गर्ने केहीपनि सामग्री अस्पतालको फार्मेसीमा नपाएपछी बाहिरबाट ल्याएको र करिव डेड घण्टा पछीमात्र डाक्टरले आफ्नो बिरामीको उपचार सुरु गरेको हेटौंडा -११ का बिशाल अधिकारीले गुनासो गरे ।
उता यस विषयमा अस्पतालका मेडिकल सुपरिटेन्डेन्ट डा. श्रीधर अर्याल भने बेखबर छन् । औषधि सकिएकोबारे आफुलाई थाहा नभएको र आफु बाहिर रहेको उनले प्रतिक्रिया दिए । अस्पतालमा खासै समस्या नरहेको मेसु अर्यालको भनाई छ ।
क्याटेगोरी : मुख्य खबर, समाचार, स्थानिय, स्वास्थ्य-जिवनशैली
प्रतिक्रिया