स्कूल बसको ठक्करबाट २ जनाको मृत्यु, आक्रोशित स्थानीयले गरे बसमा आगजनी
रूपन्देहीमा स्कुल बसको ठक्करबाट २ जनाको मृत्यु भएको छ ।
रूपन्देही प्रहरी प्रवक्ता डीएसपी मनोहर भट्टका अनुसार लुम्बिनी सांस्कृतिक नगरपालिका वडा नम्बर ४ महुवारीमा शनिबार बिहान सिद्धार्थ बोर्डिङ स्कुलको लु १ क १७७८ नम्बरको बसले लु ३७ प ८४८२ नम्बरको मोटरसाइकललाई पछाडिबाट ठक्कर दिँदा मोटरसाइकलमा सवार २१ वर्षीय मोहम्मद इर्साद र २१ वर्षीया रुक्सना खातुनको मृत्यु भएको हो ।
बसको ठक्करबाट मोटरसाइकलमा सवार दुई जनाको घटनास्थलमै मृत्यु भएको प्रहरीले जनाएको छ । दुर्घटनामा परी २० वर्षीया अप्सरा खातुन गम्भीर घाइते भएकी छन् । उनको भैरहवामा उपचार भइरहेको छ । ठक्कर दिने बसमा स्थानीयले आगो लगाइदिएका छन् ।
प्रकाशित मिति : शनिबार, २०८० मंसिर १६, ११ :४५ बजे
लेखकको बारेमा
प्रतिक्रिया