नेपाल विश्वकप क्रिकेटमा छनोट भएको खुसियालीमा हेटौंडामा दिपावली
नेपाल टी–ट्वान्टी विश्वकप क्रिकेटमा छनोट भएको खुसियालीमा हेटौंडामा दिपावली गरिएको छ । विश्वकपको एसिया छनोटको सेमिफाइनलमा युएईलाई ८ विकेटले हराउँदै नेपाल आउँदो बर्ष अमेरिका र वेस्ट इन्डिजमा हुने टी ट्वान्टी विश्वकपका लागि छनोट भएको छ ।
जितको खुसियालीमा हेटौंडाको बुद्धचोकमा मकवानपुर क्रिकेट संघले खुसियाली मनाउदै दीप प्रज्ज्वलन गरेको हो । संघले बुद्धचोकमा दिपावली गर्दै राष्ट्रिय खेलाडी, कोचलगायतलाई बधाई तथा धन्यवाद ज्ञापन गरेको थियो ।
नेपालले यसअघि सन् २०१४ मा भएको टी ट्वान्टी विश्वकप खेलेकाे थियो ।
जितसँगै नेपाल एसियाली क्षेत्रको अन्तिम चरणको छनोट प्रतियोगिताको फाइनलमा पनि पुगेको छ । नेपालले अब आइतबार हुने फाइनलमा ओमानसँग उपाधिका लागि भिडन्त गर्नेछ ।
तस्विर- निरज सिंह ठकुरी
प्रकाशित मिति : शुक्रबार, २०८० कार्तिक १७, १८ :५१ बजे
लेखकको बारेमा
प्रतिक्रिया