मकवानपुरमा १५ प्रतिशत मात्र धान रोपाइँ, बागमतीमा प्रदेशभर जम्मा २२ प्रतिशत
बागमती प्रदेशमा हालसम्म २२ प्रतिशत मात्र धान रोपाइँ कार्य सकिएको बागमती प्रदेशको कृषि विकास निर्देशनालयको कार्यालय हेटौँडाले जनाएको छ ।
भौगौलिक विकटता र सिँचाइको अभाव रहेका जिल्लामा पर्याप्त मात्रामा पानि नपरेकाले यसपाली धानखेति हुन नसकेको कृषि विकास निर्देशनालयका प्रमुख तेज प्रसाद दवाडीले बताए ।
प्रदेशमा धानखेतीका लागि आकाशको पानीका भरमा खेती गर्नुपर्ने, खोलाको मूलबाट सिचाई गर्नुपर्ने भएकाले धान खेतीमा समस्या रहेको बताइएको छ ।
बागमती प्रदेशको १३ जिल्लामा कूल एक लाख २० हजार पाँच सय हेक्टर जमिनमा धानखेती हुँदै आएको छ । तर अहिलेसम्म बागमती प्रदेशको चितवनमा २० प्रतिशत, मकवानपुरमा १५, धादिंगमा १७, काभ्रेमामा ३५, सिन्धुपाल्चोकमा ३२ प्रतिशत र अन्य जिल्लामा पनि निकै कममात्रामा रोपाइँ सकिएको बताइएको छ ।
प्रकाशित मिति : शुक्रबार, २०८० असार १५, १८ :२६ बजे
लेखकको बारेमा
प्रतिक्रिया