हेटौंडामा एक ब्यवसायीमाथी खुकुरी प्रहार भएको छ ।
हेटौंडा- १० स्थित बन क्याम्पस अगाडि मकवानपुर गढी गाउँपालिका निवासी प्रेम कुमार घिमिरेलाई ४,५ जनाको अज्ञात समुहले खुकुरी प्रहार गरि भागेको हो ।
खुकुरी प्रहारबाट घिमिरे घाइते भएका छन् । उनको हात, गाला र टाउकोमा चोट लागेको प्रहरीले जनाएको छ । उनलाई उपचारका लागि हेटौंडा अस्पताल लगिएको र थप उपचारका लागि अहिले चितवन पठाइएको जिल्ला प्रहरी कार्यालय मकवानपुरले जनाएको छ ।
खुकुरी प्रहार गर्नेलाई प्रहरीले खोजिरहेको छ । घिमिरे गत २३ र २४ गते हेटौंडामा भएको जेनजी आन्दोलनलाई समर्थन गर्दै हिडेका थिए । उक्त आन्दोलनलाई समर्थन गरेकाले उनलाई आक्रमण गरिएको हुनसक्ने बताइएको छ ।
प्रकाशित मिति : सोमवार, २०८२ भदौ ३०, २१ :०६ बजे
लेखकको बारेमा
प्रतिक्रिया