दोषीलाई कारबाही गर्नुपर्ने भन्दै हेटौंडामा सडक अवरुद्ध
हेटौंडा स्थित पूर्व–पश्चिम राजमार्ग स्थानीयले अवरुद्ध पारेका छन् । गाडीको ठक्करबाट मृत्यु भएको २४ घण्टासम्म दोषीलाई पक्राउ गरि कारबाही गर्न नसकेको भन्दै यहाँका स्थानीयले जिल्ला प्रहरी कार्यालय मकवानपुर अगाडी पूर्व–पश्चिम राजमार्ग अवरुद्ध पारेर नाराबाजी गरेका छन् ।
शनिबार काठमाण्डौँबाट हेटौँडा आउने क्रममा हेटौँडा–१ तिरतिरे धारा नजिक हेटौडा– ६ चौघडा पुतली बजारका अन्दाजी ५२ वर्षीय कृष्ण प्रसाद सापकोटाको मृत्यु भएको थियो । आइतबार दिउँसोसम्म ठक्कर दिने सवारीको पहिचान हुन नसकेको भन्दै स्थानीयले राजमार्ग अवरुद्ध गरेका हुन् । उनीहरुले पुलिस प्रशासन मुर्दाबाद, दोषीलाई लुकाउन पाइदैन,पिडितलाई न्याए दे जस्ता नारा लगाइरहेका छन् ।
क्याटेगोरी : मुख्य खबर, समाचार, स्थानिय
प्रतिक्रिया