हेटौंडामा बसले ठक्कर दिदा ३२ वर्षीया निशाको मृत्यु,एक घाइते
हेटौंडा । मकवानपुरको हेटौंडा उपमहानगरपालिका वडा नंबर १५ स्थित रातोमाटेमा शुक्रवार बिहान सडक दुर्घटना भएको छ।
बाराबाट चितवनतर्फ आउँदै गरेको ना ४ ख ९५२० नंको बसले सोही दिशातर्फ गइरहेको ना ५३ प ८५२७ नंको मोटरसाइकललाई ठक्कर दिँदा दुर्घटना भएको हो।
दुर्घटनामा मोटरसाइकलमा सवार बारा जितपुर उपमहानगर-१२ की ३२ वर्षीया निशा कुमारीको मृत्यु भएको छ । मोटरसाइकल चालक निशाको श्रीमान ४३ वर्षीय रोशन कुमार राय सामान्य घाइते भएका छन्। निशाको हेटौंडा अस्पतालमा उपचारको क्रममा मृत्यु भएको हो।
दुर्घटनापछि बस र चालकलाई मकवानपुर प्रहरीले नियन्त्रणमा लिएको छ। थप अनुसन्धान भइरहेको प्रहरीले जनाएको छ।
प्रकाशित मिति : शुक्रबार, २०८० मंसिर २२, १३ :१३ बजे
लेखकको बारेमा
प्रतिक्रिया