बागमतीको मुख्यमन्त्री फेरबदल चर्चा- एमाले प्रमुख सचेतक भन्छन्- एक व्यक्तिको लालसाले गलत नजिर नबसोस्
बागमती प्रदेशको मुख्यमन्त्री फेरबदलको विषयमा नेकपा एमालेका प्रमुख सचेतक महेश बर्तौलाले मुख खोलेका छन् ।
उनले मुख्यमन्त्री बहादुर सिंह लामाविरुद्धको अविस्वासको प्रस्ताव विधि र पद्दति विपरितको कार्य भएको भन्दै एक संचार माध्यममा अन्तर्वार्ता दिएका छन् । उनले प्रादेशिक संरचनादेखि नागरिक अशन्तुष्ट भैरहेका बेला एक व्यक्तिको लालसाले आगोमा घ्यु थप्ने काम भएको उनले बताएका छन् । ‘यो प्रक्रिया गलत हो, एक व्यक्तिको सत्ता प्राप्तिका लागि प्रणाली माथि नै प्रश्न उठ्ने गरेर संसदीय व्यवस्था नै कमजोर हुनेगरी नजिर स्थानित गराउन खोजिनु गलत हो’, उनले भने ।
उनले अन्तर्वार्ताका क्रममा भनेका छन्, ‘म कांग्रेसको आन्तरिक मामिलामा प्रवेस गर्दिन तर एक व्यक्तिलाई मुख्यमन्त्री बन्न इच्छा जाग्यो भन्दैमा गलत नजिर स्थापित गर्न दिनुहुन्न यसबारे कांग्रेसले गम्भीर भएर सोचोस्’, ।
यस विषयमा बर्तौलाले इन्द्र बहादुर बानियाँको नेतृत्वमा मुख्यमन्त्री लामाविरुद्ध अविस्वासको प्रस्ताव लानु गलत भएको बताएका छन् । उनले यस किसिममा समस्या अन्य प्रदेशमा समेत आउनसक्ने भन्दै बेलैमा सचेत हुनुपर्ने बताए ।
लामाविरुद्ध २१ जना सांसदको हस्ताक्षरसहित बानियाँको नेतृत्वमा शुक्रबार अविस्वासको प्रस्ताव दर्ता भएको थियो । त्यसपछी बागमती सरकार फेरबदलको ब्यापक चर्चा चुलिएको छ । लामाविरुद्ध अविश्वासको प्रस्ताव पेश भएपछी लामा र बानियाँ केन्द्रीय नेतासंग छलफलमा जुटेका छन् । हस्ताक्षर गरेका सांसद जोगाई राख्ने गरी बानियाँ अघि बढेका छन् भने लामा आफुविरुद्ध हस्ताक्षर गर्नेलाई मन्त्री पद दिएर भएपनि आफ्नो सत्ता टिकाउने खेलमा लागेका छन् ।
क्याटेगोरी : मुख्य खबर, समाचार, स्थानिय
प्रतिक्रिया