हेटौंडा । बागमती प्रदेशको सर्वदलीय बैठक सुरु भएको छ । बागमती प्रदेशका मुख्यमन्त्री शालिकराम जम्कट्टेलले आज सर्वदलीय बैठक आह्वान गरेका थिए ।
दिउँसो १ बजेका लागि बोलाइएको बैठक केही समय ढिलो गरि सुरु भएको हो । गत बुधबार मुख्यमन्त्री तथा मन्त्रिपरिषद् कार्यालय हेटौंडामा प्रदेशका मन्त्रीहरूसँगको छलफलपछि मुख्यमन्त्री जम्कट्टेलले सर्वदलीय बैठक आह्वान गरेका हुन् ।
प्रदेशको वर्तमान राजनीतिक अवस्था र संसदीय समिति विषयमा छलफलका लागि बैठक आह्वान गरिएको मुख्यमन्त्री जम्कट्टेलले जानकारी दिए । बैठकले प्रदेशसभामा रहेका समितिको सभापतिको टुङ्गो लगाउने लगायतको विषयमा छलफल हुने जनाइएको छ ।
प्रकाशित मिति : आइतवार, २०८० मंसिर १७, १३ :५१ बजे
लेखकको बारेमा
प्रतिक्रिया