न्यानो आँगनको आयोजनामा हेटौंडामा आत्महत्या न्यूनीकरण सम्बन्धी सचेतना कार्यक्रम
हेटौंडामा आत्महत्या न्यूनीकरण सम्बन्धी अभिमुखीकरण तथा सचेतना कार्यक्रम भएको छ ।
आइतबार हेटौंडा उपमहानगरपालिका -१२ स्थित परिवर्तन टोल विकास सस्थाको सभा हलमा कार्यक्रम भएको हो । हेटौंडा उपमहानगरपालिका कार्यालयको सहयोगमा न्यानो आँगन नेपालले उक्त आर्यक्रम आयोजना गरेको हो ।
कार्यक्रममा आत्महत्याको विचार, मन परिवर्तनका उपाय, दैनिकीलाई कसरी ब्यस्त बनाउने र मनोवैज्ञानिक प्रभावका बारे चर्चा गरिएको थियो । पालिका भित्रका सबै टोल टोलमा गएर आत्महत्या न्यूनीकरण सम्बन्धी कार्यक्रम सञ्चालन गर्न लागिएको न्यानो आँगन नेपालकि अध्यक्ष मन्जु फुयालले जानकारी दिइन् ।
विशेष गरेर उमेर समूह, सामाजिक, आर्थिक, विविध कारणबाट पनि आत्महत्या हुने गरेको र यसलाई रोकथामको लागि मुख्य त सामूहिक पहल गरी मान्छेमा भएको एकोहोरो र निराशपन हटाउन सिकायो भने आत्महत्या कमी ल्याउन सकिने फुयालले बताइन् ।
आर्थिक अवस्था कमजोर भएपछि समाजले हेर्ने दृष्टिकोणमा पनि फरक पर्ने भएकाले पनि आत्महत्यामा बल पुग्ने भएकाले मानिसहरूलाई विभेद होइन, हौसला माया र प्रेमले पनि आत्महत्या न्यूनीकरण गर्न मद्दत पुग्ने कार्यक्रमका सहजकर्ता बिजय राज सिग्देलले बताए ।
न्यानो आँगनकि मन्जु फुयालको सभाध्यक्षता भएको कार्यक्रमको प्रमुख अथिति हेटौंडा उपमहानगरपालिकाका उप प्रमुख राजेश बानियाँ रहेका थिए भने, कार्यक्रममा ८४ जनाको उपस्थिति रहेको थियो ।
न्यानो आँगनले विगत दुई वर्षदेखि आत्महत्या न्यूनीकरण सम्बन्धी विभिन्न सचेतनामुलक कार्यक्रम गर्दै आइरहेको छ ।
क्याटेगोरी : मुख्य खबर, समाचार, स्थानिय
प्रतिक्रिया