जाजरकोट भुकम्प : १ लाख ७९ जनसंख्या प्रभावित, ९ हजारभन्दा बढी घर पूर्णरुपमा क्षति
जिल्ला प्रशासन कार्यालय जाजरकोटले कार्तिक १७ गते जाजरकोटमा गएको भुकम्प र २० गतेको परकम्पबाट भएको भौतिक तथा मानविय क्षतिको विवरण सार्वजनिक गरेको छ ।
विवरण अनुसार जाजरकोटमा ९ हजार भन्दा बढी घर भूकम्पका कारण पूर्णरुपमा भत्किएका छन् ।
२४ हजारभन्दा बढी घरमा आंशिक क्षति पुगेको छ।
७ स्थानीय तहका ९ हजार ९७४ घर पूर्णरुपमा भत्किएका छन् । भने २४ हजार ७०७ घरमा आंशिक क्षति पुगेको छ।
कुल ३४ हजार ५०१ घरधुरीका १ लाख ७९ हजार ८९३ जनसंख्या भूकम्पबाट प्रभावित भएका छन् । जसअनुसार ९ हजार १८६ घरधुरीका ६७ हजार १७४ जनसंखया विस्थापित बनेका छन् ।
भूकम्पबाट ९९ जना घाइते हुँदा १०१ जनाको मृत्यु भएको छ । भौतिक क्षतिको प्रारम्भिक द्रुत सर्वेक्षण प्रतिवेदनका आधारमा यो तथ्यांक सार्वजनिक गरिएको प्रशासनको भनाइ छ ।
प्रकाशित मिति : बुधबार, २०८० कार्तिक २२, ११ :३७ बजे
लेखकको बारेमा
प्रतिक्रिया