हेटौंडाको भैरवडाडा जङ्गलमा झुण्डिएको अवस्थामा एक पुरुष मृत फेला
हेटौंडा उपमहानगरपालिका १ मा पर्ने भैरवडाडाको जङ्गलमा झुण्डिएको अवस्थामा एकजना मृत फेला परेका छन् ।
शुक्रबार दिउँसो एकतारे सामुदायिक वनको एक रुखमा कपडाको डोरीले पासो लगाई एक युवक झुण्डिएको अवस्थामा मृत फेला परेका हुन् । उनि झुन्डिएको स्थान नजिक ना.३९ प. ९२२६ नम्बरको स्कुटर पनि फेला परेको प्रहरीले जनाएको छ ।
उनि त्यही स्कुटरमा आएको हुनसक्ने अनुमान गरिएको छ । प्रहरीका अनुसार मृतक हेटौडा ११ थानाभर्याङ बस्ने बसन्त बहादुर कार्की हुन् ।
यस घटनाको सम्बन्धमा प्रहरीले थप अनुसन्धान गरिरहेको जिल्ला प्रहरी कार्यालयमा प्रहरी प्रवक्ता टेक बहादुर कार्कीले बताएका छन् ।
क्याटेगोरी : समाचार, स्थानिय
प्रतिक्रिया