किन झुट बोले मुख्यमन्त्रीले ?, अझै अन्तिम ‘ब्रह्मास्त्र’ प्रयोग गर्दै बहादुर
बागमती प्रदेशको बजेट सार्वजनिक भएपछी चौतर्फी आलोचना भएको बागमती सरकारको मुख्यमन्त्री फेरबदलको चर्चा प्रदेशदेखि केन्द्र सम्म चलेको थियो ।
कुनैपनि हालतमा मुख्यमन्त्री हटाउन कांग्रेसका सबै पक्षका नेता लागिपरेका थिए । भित्र भित्रै खिचडी पाकिरहेको थियो । प्रदेशदेखि केन्द्रसम्म कुनैपनि हालतमा मुख्यमन्त्री फेर्नुपर्ने भन्ने बलियो सूचना हेटौंडा खबरलाई प्राप्त भएको थियो । प्रदेश सभापति समेत रहेका इन्द्र बहादुर बानियाँ मुख्यमन्त्री बन्ने दाउँमा लागेपछी कांग्रेसकि सहमहामन्त्री महालक्ष्मी उपाध्याय ‘डिना’ ले खुलेरै कांग्रेसको केन्द्रीय समिति बैठकमा बानियाँको कारबाहीको माग गरेकी थिइन् । तर पार्टीले उनलाई कारबाही गरेन ।
त्यसपछी बानियाँ थप बलियो बने र मुख्यमन्त्री बन्ने बाटो खुल्ला भयो उनको लागि । त्यस लगत्तै पार्टीमा सबै गुटको दौडधुप निकै हुनथाल्यो । केहिदिन अगाडी मुख्यमन्त्री लामा पारिवारिक वैदेशिक भ्रमणमा जानु अघि उनले कांग्रेस सभापती शेर बहादुर देउवालाई भेटेका थिए । भेटका क्रममा विवाद समाधानका लागि मुख्यमन्त्री पद छोड्न देउवाले आग्रह गरेका थिए । उनले आफु नेपाल आएपछी यसबारे सोच्ने प्रतिक्रिया दिएर लामा विदेश गएका थिए ।
विदेशबाट फर्केलगत्तै लामाले देउवा पत्नी आरजु राणा र देउवालाई भेटेका थिए । सभापतिले पुनः पद छोड्न भनेपछि लामाले आलटाल गरेर कसैको फोन नउठाई सर्पर्कविहिन बनेका थिए । यसबारे हेटौंडाखबरमा समाचार प्रकाशन भएपछी लामाले आफुविरुद्ध अफवाह फैलाएको र आफुलाई मुख्यमन्त्रीबाट हटाउने कुरा हल्लामात्र भएको संचारमाध्यममा भएका थिए । उनले मात्र होइन् , उनका निकै नजिकका नेता कांग्रेसका प्रवक्ता समेत रहेका प्रकाश शरण महतले पनि कुनैपनि प्रदेशको संसदीय दलका नेता परिवर्तन नहुने बताएका थिए ।
तर यी सब कुरा फेल खाएको छ । बागमती प्रदेशको मुख्यमन्त्री बदल्न कांग्रेस संसदीय दलमा लामाविरुद्ध अविश्वासको प्रस्ताव दर्ता भएको छ। बानियाँ पक्षधरका २१ सांसदले हस्ताक्षरसहित संसदीय दलका सचिव कृष्णकुमार तामाङलाई हस्ताक्षर बुझाउँदै अविश्वास प्रस्ताव दर्ता गरिएको हो । लामाविरुद्ध संसदीय दलमा २४ जना रहेको बताइएपनि ३ जना भने हस्ताक्षरका लागि उपस्थित नभएको बताइएको छ ।
कुरोमा ट्विस्ट
बजेट विवाद चुलिएपछी कांग्रेस बागमतीमा र केन्द्रमा निकै दौडधुप चल्यो । बागमती प्रदेशका कांग्रेस सांसदहरु प्राय केन्द्रका फरक फरक नेताका नजिक रहेका छन् । सबैको रस्साकस्सीको बाबजुत बागमतीमा मुख्यमन्त्री जसरि पनि फाल्ने सस्थापन पक्षको रटान पछि सोही अनुसार प्रक्रिया अघि बढाउने २ दिन अघि कुराकानी भएको थियो । पुनः बिहिबार बानियाँलाई मुख्यमन्त्रीमा नलगी संसदीय दलका उपनेता समेत रहेका सहमहामन्त्री ‘डिना’ पक्षका राम कृष्ण चित्रकारलाई प्रदेशको आर्थिक मामिला मन्त्री बनाउने र बाहालवाला कांग्रेस तर्फका २ मन्त्रीलाई फिर्ता बोलाएर मुख्यमन्त्रीमा लामा नै कायम गर्ने भन्नेमा गोप्य रणनीति तय भैसकेको थियो । तर रातारात उक्त निर्णय परिवर्तन भएर बानियाँलाई नै मुख्यमन्त्री बनाउने गरी हाल लामाकै पक्षका सदस्यलाई समेत समेटेर हस्ताक्षरसहित मुख्यमन्त्रीविरुद्ध अविश्वासको प्रस्ताव दर्ता भयो ।
प्रस्ताव दर्ता पश्चात मुख्यमन्त्री लामाले अविश्वासको प्रस्ताव फेस गर्ने बताएका छन् । उनि आफुविरुद्ध हस्ताक्षर गर्ने सांसदलाई आफ्नो पकडका कसरी पार्न सकिन्छ भन्ने अन्तिम अस्त्रमा प्रयोगमा लागेका छन् । अर्को तर्फ आफु पक्षका केही सांसदलाई मन्त्री पद दिएर सकेसम्म मिलाएर लाने र मुख्यमन्त्रीमा आफुनै कायम रहने गरी नयाँ रणनीतिमा लागेको स्रोतले बताएको छ ।
लामा अविश्वासको प्रस्ताव दर्ता हुनेवित्तिकै पदमुक्त भने तत्कालै हुँदैनन् । अविश्वासको प्रस्तावमाथि प्रारम्भमा संसदीय दलको बैठकमा छलफल हुनुपर्छ । संसदीय दलको बैठक बोलाउने क्षेत्राधिकार लामालाई नै रहने संसदीय दलको विधानमा उल्लेख छ । विधान अनुसार लामाले बैठक बोलाएपछि अविश्वासको प्रस्तावमा छलफल हुनेछ ।
संसदीय दलमा भएको निर्णयको आधारमा निर्वाचन गर्नुपर्ने निर्णय प्रदेश कार्यसमितिलाई पत्राचार हुनेछ । संसदीय दलले निर्वाचन समिति गठन गर्नुपर्ने हुन्छ । साथै संसदीय दलको विधानको दफा २२ को उपदफा २ अनुसार बैठकमा, पार्टीका सभापति, महामन्त्री वा केन्द्रबाट प्रतिनिधि खटाउनुपर्ने हुन्छ । केन्द्रीय प्रतिनिधि र निर्वाचन समितिको छलफल गरेर निर्वाचनको मिति निर्धारण हुन्छ । यी सबै पक्रिया पूरा गर्न २ साता लाग्न सक्छ ।’ यो विचमा बहादुर लामाले आज हस्ताक्षर गरेका मध्यका केहि सांसदलाई मन्त्री तोकेर आफ्नो लाइनमा ल्याउने तयारी गरेको स्रोतले बताएको छ ।
क्याटेगोरी : मुख्य खबर, समाचार, स्थानिय
प्रतिक्रिया