प्रहरीले शुक्रवार नागढुंगाबाट २ किलो सुनसहित ३ जनालाई पक्राउ गरेको छ। उपत्यका अपराध अनुसन्धान कार्यालय काठमाडौंबाट खटिएको प्रहरी टोलीले उक्त कारवाही गरेको हो।
पक्राउ पर्नेमा रसुवाको गोसाइँकुण्डका ३ जना ग्यालछिङ तामाङ, बिरु तामाङ र सुनिल भुजेल रहेका छन्। रसुवाबाट काठमाडौं आउँदै गरेको ०१–०२८ च २६९६ नम्बरको स्कार्पियो गाडीबाट सुन बरामद भएको प्रहरीले जनाएको छ।
पक्राउ परेका तीनै जनामाथि थप अनुसन्धान भइरहेको प्रहरीले जनाएको छ। यसअघि गएराति त्रिभुवन विमानस्थलबाट १४ किलो सुनसमेत बरामद गरिएको थियो।
प्रकाशित मिति : शुक्रबार, २०८० मंसिर २२, १३ :४३ बजे
लेखकको बारेमा
प्रतिक्रिया