मकवानपुरगढीमा मनलाग्दी खोला उत्खनन् , प्रहरी, प्रशासन र पालिका सबै चुपचाप
![](https://www.hetaudakhabar.com/wp-content/uploads/2023/07/gadi.jpg)
असारदेखि भदौसम्म नदी तथा खोलाबाट गिट्टी बालुवा निकाल्न सरकारले प्रतिबन्ध लगाएको छ। तर मकवानपुरगढी गाउँपालिका भित्र रहेका खोला तथा खहरेबाट निर्वाध रुपमा खोला उत्खनन् गरी अवैध रुपमा ओसारपसार हुने गरेको छ ।
वर्षायाममा अबैधरुपमा जथाभावी खोला उत्खनन् हुँदा पालिका भित्र रहेका प्रहरी प्रशासनले कुनै चासो देखाएको छैन । प्रहरी प्रशासनकै अगाडिबाट ट्याक्टरमा नदीजन्य पदार्थ ओसारपसार गरे पनि प्रहरीले सोधपुछसमेत नगर्ने गरेको नागरिकको आरोप छ। बाढी आउने भएका कारण बर्खाका तीन महिना असार, साउन र भदौमा नदीजन्य पदार्थ उत्खनन्मा निषेध गरिइएको छ। तर मकवानपुरगढी गाउँपालिकामा भने अबैध खोला उत्खनन् भैरहेको छ ।
गाउँपालिका भित्रको सामरीखोलाबाट अवैध रुपमा ढुङ्गा, गिट्टी, बालुवा उत्खनन् लगातार भईरहदा स्थानीय सरकारले कुनै कारवाही गर्न सकेको छैन । आफ्नो क्षेत्राधिकारमा रहेका खोला दोहन हुँदा पनि स्थानीय तहले बेवास्था गरेको हो । जनप्रतिनिधि र प्रहरीकै मिलेमतोमा नदीजन्य पदार्थ अवैध रुपमा निकासी भइरहेको स्थानीय बताउँछन्। ढुङ्गा, गिट्टी, बालुवाको उत्खनन् भइरहेको स्थानीय सरकारलाई जानकारी हुँदासमेत कानमा तेल हालेझैँ गरेर बसेको स्थानीयको आरोप छ ।
यसबारे प्रहरीलाई पटकपटक फोन गरेर खबर गर्दा समेत प्रहरीले बेवास्ता गर्ने गरेको एक स्थानीय बताउछन् ।
मकवानपुरगढीको ३,४,५ र ६ नम्बर वडामा पर्ने सामरी खोलाको डुम्रेकुना देखि बुङ्ग्दल सम्म नदिजन्य पदार्थ अबैध रूपमा दोहन हुँदा वडाका जनप्रतिनिधिसमेत नदेखे झैँ गर्ने गरेका छन् ।
क्याटेगोरी : मुख्य खबर, समाचार, स्थानिय
ट्याग : #अबैध, #खोला उत्खनन्, #गाउँपालिका, #जिल्ला प्रहरी कार्यालय मकवानपुर, #मकवानपुरगढी गाउँपालिका
प्रतिक्रिया