टोपबहादुर रायमाझीलाई छाड्न उच्च अदालत पाटनद्वारा अस्वीकार,टेकनाथ रिजाललाई धरौटीमा छोड्ने आदेश
नक्कली भुटानी शरणार्थी प्रकरणको अनुसन्धानको सिलसिलामा पक्राउ परेका भूतपूर्व उपप्रधानमन्त्री टोपबहादुर रायमाझीलाई छाड्न अदालतले अस्वीकार गरेको छ ।थुनछेकविरुद्धको पुनरावेदनउपर सुनुवाइ गर्दै उच्च अदालत पाटनले रायमाझीलाई छाड्न अस्वीकार गरेको हो ।
टेकनाथ रिजाललाई धरौटीमा छाड्न उच्च अदालत पाटनले आदेश दिएको छ।
न्यायाधीशहरू प्रकाश खरेल र जनक पाण्डेको संयुक्त इजलासले शुक्रबार भुटानी शरणार्थी नेता रिजाललाई १५ लाख रुपैयाँ धरौटीमा छाड्न आदेश दिएको हो।
त्यस्तै उच्च अदालत पाटनले नक्कली शरणार्थी प्रकरणमा मुछिएका टोपबहादुर रायमाझीसहित ८ जनालाई पुर्पक्षका लागि थुनामै राख्न आदेश दिएको छ ।पुनरावेदन उपर सुनुवाइ गर्दै रायमाझीसँगै इन्द्रजित राई, केशव दुलाल, आङटावा शेर्पासहित ८ जनालाई थुनामा राख्ने जिल्ला अदालत, काठमाडौंको आदेश सदर गरेको हो ।
धरौटी तोकिएकाहरुमा नरेन्द्र केसीलाई १० लाख, हरिभक्त महर्जनलाई १५ लाख, शमशेरमियालाई १० लाख,सन्दिप रायमाझीलाई ३० लाख,टेकनाथ रिजाललाई १५ लाख धरौटी तोकिएको छ र लक्ष्मी महर्जन,आशिष बुढाथोकि, टंक गुरुङलाई साधारण तारेखमा छाड्न आदेश दिइएको छ।
क्याटेगोरी : मुख्य खबर
प्रतिक्रिया